Gambar Pengingat

Gambar ba Alai aku Gawa, Caspian Sea.

Selamat Datai ngagai Blog aku ia nya blog "Anak Iban Ulu Sungai". Blog tu diberi nama bakanya laban aku tu siko ari anembiak berbangsa iban ti berasai ari ulu sungai ti dikumbai kami Ulu Latong.
Pejalai kerumah panjai kami kira-kira dua jam mudik ai Machan ngena perau ari Pasar Machan.

Rumah panjai kami bisi lapan belas pintu serta ngembuan gaya ti cukup tegap laban nyau ka semua tiang serta kasau di gaga ngena kayu tebelian. Laban menua kami agi maioh tebelian serta agi ngembuan kampung puang ti cukup luas.Dalam taun 80-an serta 90-an batang pengawa dirumah panjai kami ianya betangkal ke getah serta bekebun koko enggau lada.

Sungai di menua kami mega cukup chiru serta ngembuan ikan ti maioh. Tang meh semuanya mina sementara, penatai kem batang tauka pengereja balak ngubah semua utai ti dekembuan menua kami. Kayu nyau majak pungkang ikan nyau majak kurang. Ai pan nyau suah amai keruh serta menua nyau majak regau laban lipan enggau lori ti nyau bekederut beangkut ke kayu serta besungkur ke jalai.

Diatu, dua puluh taun udah lalu rumah panjai kami mina tinggal kenang. Laban bala enembiak ke rebak baru nyau nurun bekereja kenegeri. Ka pan enda laban ti nitih ke singkang dunya enggai ke tinggal ari orang bukai. Bala sida ke tuai pan nyau dibai anak sida laban nadai orang nyaga dirumah panjai. Cukup penyiru ti lebuh maia lalu mansa rumah panjai ti agi tegap amat bediri tang nyau cukup sunyi baka dampa temawai orang kelia.

Lalu ke penudi iya...Terima kasih ngagai kita ke sangkai,nemuai ngagai blog anak iban ulu sungai.
Gayu guru gerai nyamai,bulih tuah bulih limpah ari taun ti udah. Arap ka bangsa kitai dayak makin mansang serta beserakup ngambi ka kitai bulih pengelantang ujung ari. Ngembung baka langit entuchung baka bukit.

Terima Kasih.

SMD @ Anak Iban Ulu Sungai (Ulu Latong)

Gambar Banjir Di Machan

Gambar Banjir Di Machan Taun 2009

Jalai ampuh ai laban ujan ti enda ngetu-ngetu.

Enda ulih tengah kereta laban ai ti nyau majak dalam, kira paras punggung. Ngelayang jalai ngena perau serta bisi sekeda ngena enjin sangkut nyadi water teksi,tambang RM1.

Rumah bala di machan kena ampuh ai, berendam kira-kira bisi dua minggu. Nyau ka semua rumah ti didiri ka ba kawasan baruh ampuh ai.


Gambar kedua, Klinik kesihatan Ng machan ampuh ai serta ditutup beberapa ari nganti ai surut serta kerja-kerja nuchi serta meresi kawasan klinik.


Bakatu meh gaya kawasan pasar Machan lebuh maia banjir kena bulan January 2009.Dewan Masyarakat Machan serta gambar tadika Kemmas nyau separuh ampuh ai.Taja pan ampuh besai tang ai tenang aja enda deras baka di sekeda menua di semenanjung.

Pengingat Lebuh gawai @ Pengerami

Sukut Gambar Pengingat

Lebuh maia Gawai @ gawa Kelingkang Tuah di Rumah Kana, Lingah Julau.

Bala lemambang benung bejalai ke pengawa nimang.

Baru tembu enggau bala anak petunggal aku ngerandang.
Ari kiba Boy, Aku (anak iban ulu sungai), Simon,Taboy & Ulong.

Bala benung betunu ke jani.

Benung tachuh di bilik pengudah bedara

Di Jerangku, Machan. Maia aku berterang & betunang.

Makai beserumpo di ruai maia kelingkah tuah

di Lingah,Julau.

Bala aya tu benung begendang... gasak aya...

Gambar pengingat di menua Ribai

Gambar Pengingat di Menua Ribai 2008/09

Ashgabat Turkmenistan lebuh maia musim salji. Rindu enggau

orang bejalai meda menua serta utai ti dikumbai orang "Snow".

Di Bangkok Thailand (Airport) lebuh maia ti pulai ari menua alai aku gawa.Transit di Bangkok airport enda lama.

Turkmenbashy menua alai aku gawa.

Begulai enggau bala kaban di menua alai aku gawa.

Begulai enggau siko bangsa Turkmen.Best friend

Pengingat Kelia taun 80-an

Gambar Pengingat kelia (Koleksi 2009)








Pengingat begulai enggau niang aki(saioh) kelia.
Ari sepiak kanan: Angela (anak petunggal aku), Andrea Saioh(anak petunggal aku)
Alexander Rengga (Anak petunggal aku). Serta iya ke dipangku nya aku (Stanley
Methew Dana).







Tu meh gaya orang kelia nyambut gawai...sayau meh bala sida ke tuai tu
mina tinggal kebuah kenang aja.Ari beganti minggu, bulan berganti taun
sida ketuai nyau maioh udah nadai.Serta bala kebiak-biak nyau jarang mega pulai
kemenua. Ka pan enda laban diatu kitai ke rebak dudi nyau nitih ke ubah dunya
nitih ke singkang pemansang. Ti suba pengawa dirumah panjai mina bumai,bekebun lada,
bekebun koko serta betangkal getah. Tang diatu semuanya mina buah kenang aja.Laban pengidup alaf baru,sigi ari pengawa besekula meh kekebun kitai anak dayak idup.Enda jauh endur nyema baka kami serumah kerebak dudi, bisi nya nyadi cikgu,kereja ba perintah bisi mega gawa sebelah semenanjung (perindustrian) bisi gawa ke tasik serta ke menua luar.





Ari kanan: Ibu aku,Niang ine Char,Niang ine aku (Itau),Niang Ine aku(Beragai),
Niang Indai Joseph

Pengingat di Ulu Latong

Sebiru,Latong (View ari ai)


Mond... gambar lebuh maia ngangkut kayu @ ramu ngili ai sebiru

Aram berumpak..he..he... boy, apai Lintin & apai Unik. Borneo jungle hunter tauka bala mat rempit

Gaya jalai kem balak (sebiru) Latong, Machan.

Berangkut ke kayu @ papan ngili ai sebiru nuju ke ai latong

Ai Latong..benung bejala ke ikan

Mudik ai latong..nuju ke Ulu Latong

Pelancong asing...nemuai ke ulu latong..

Nelayan ..ikan enseluai... bujang kampung

Koleksi Gambar-gambar anak iban Ulu Sungai

Di Jerangku

Di Jerangku, pengudah melah pinang Brina & Clement.

**Siko ke gali nganti sapa ka meli... sekilo RM 2

nya iya bulih..palau... sama ngayan ke tulang kerigai..

Begambar sebedau makai..di Kuching...

Begulai enggau bala ibu di Lingah,Julau.

Cerita Di Ulu Latong

Pengingat Di Ulu Latong


Pejalai kami sebuat kira ke tiga puluh minit ari kem balak nanga Machan ngena motosikal .
Nengah jalai kem besai serta udahnya nama jalai lipan lama. Ukai main penusah laban jalai nyau belubang terusur ai ujan tambah mega lama enda ditengah.

Nyau puas tersungkur puas melipat ngena motosikal baru datai ba endur ke dituju. Tang laban bai ati rindu kami sebuat enda peduli, bakani pengelicin jalai pan di terus ke aja meh pejalai.
Maioh ikan jual dikedai tang enda meh asai ikan ai sungai, ikan menua ulu baka ikan semah, ikan palau, banta, buing, tengadak enggau maioh macam agi.



Gambar Kami sebuat baru datai di ujung jalai lipan, kira ke lima belas minit bejalai kaki nuju sungai Latong.


Benung kisuk bebantai ke perengka ke dikena belaban ke ikan ai latong.
Siti agi, menua tu ngipak ke nama iya "latong" enda entu tau maioh mulut.
Taja pan jako ribai... nemu meh jelu antu menua tu..ha..ha...



Ha tu iya.. ikan pupu bangsa....ulih ba siti lubuk aja... Tekenyit ga anak ati.. agi bisi endar ga
ikan menua tu..tang meh nadai entu besai.. mina ke mesai buah betis meh ke pengambis besai.



Baru tembu nyelam, belelak enda lama. Celap amat ga maia tu kira urong pukul dua pagi.


Kami dua aya aku Acup @ Shamsudin benung betunu ke ikan kena ngisi gelung.
Laban ngira diri pulai ari diak deh kami sebuat enda bebai ke bekal. Mina tak ngulam ikan aja.
Jera...nya..lama udah enda... hantam sajalah.. munyi ko P. Ramli.



Mansut ke ikan ti deka di tunu..... sebedau kami belabuh nyelam baru..


Benung kisuk bebantai ke ikan.. milih bansa ikan serta meruti ke duak...


Ha..nya iya... tu ikan ulih kami sebuat baru... bisi tengadak, banta enggau ikan palau...


Nya iya... tu ikan semah @ anak tengih ko kami menua Machan...

Lelak endang sigi amat lelak kerja tu..tang meh cukup pengerindu. Lebih agi enti bebala-bala nurun ke kampung...Ti enda laban jalai balak, sampai diatu agi meh maioh ikan menua kami "Ulu Latong" . Enda ibuh bejalai ke jauh... tang meh nyau pandak jako... Udah terlabuh bai sida ke tuai dulu kelia... Diatu mina nyapu-nyapu sebelah ungkap..sebelah lubuk nganti sungai ke enda keruh...